Kryeqyteti ukrainas ka qenë një nga objektivat kryesore të pushtimit të Putinit, dhe trupat ruse vijojnë përpjekjet për të rrethuar Kievin.
Në fillim të konfliktit, zyrtarët e SHBA-së dhe NATO-s thanë se besonin se qëllimi i Moskës ishte të robëronte kryeqytetin dhe të “priste kokën” e qeverisë, në mënyrë që të arrinte një fund të shpejtë të luftës.
Katër javë më vonë, forcat ukrainase jo vetëm që po i mbajnë trupat ruse larg, por edhe po korrin fitore rreth Kievit.
Vëllezërit Klitschko e kuptojnë pse forca e rezistencës ukrainase përballë ushtrisë së fuqishme ruse mund të ketë tronditur shumë persona, por ata vetë nuk janë të befasuar.
Kryebashkiaku i Kievit, Vitali Klitschko kruan kokën pas një telefonate konference me një lider tjetër të huaj, dhe poavarësisht syve të fryrë që i zbulojnë netët pa gjumë që i ka ofruar sulmi rus në kryeqytetin ukrainas, ai është i padekur.
“Ky është atdheu ynë, ne duhet të jemi këtu,” i tha ai CNN, në një intervistë ekskluzive ballë për ballë në një vend të pazbuluar.
Krahas tij, një ndjenjë të ngjashme ndan edhe i vëllai, Vladimiri.
“Rrënjët tona janë këtu, të afërmit tanë janë varrosur në tokë këtu, në Kiev. Të afërmit tanë, miqtë tanë, çdo rrugë e vetme sjell kujtime”, tha Vladimiri.
Këta vëllezër atletë legjendarë dhe ish-kampionë botërorë të boksit, thanë se nuk fjetën për dy ditët e para të pushtimit rus.
Një muaj më vonë, ata janë përshtatur, duke qëndruar së bashku dhe duke përdorur ndikimin e tyre ndërkombëtar për të mbledhur mbështetjen ndërkombëtare për Ukrainën.
